طريقة تحضير المقروط المغربي و حلوة سيكار المقادير+الطريقة
مقادير المقروط المغربي
*المقادير
-500g سميدة متوسطة إلي نعملو بها الحرشة
-كأس صغير مخلط زيت وزبدة دائبة( 150ml )
-ربع كأس ماء الزهر
-كاس ماء (150ml) أو أكتر على حسب نوعية السميد
-ملعقة كبيرة سكر
-ملعقة صغيرة قرفة إلي ما تبغيش القرفة ما تعملش
*للحشوة
-تمر جاهز ضفت عليه القرفة وملعقة زبدة وشوية جنجلان
-زيت لقلي
-عسل وجنجلان سمسم للتزين
*الطريقة
-نضع السميدة مع السكر والقرفة نضيف الزيت والزبدة نبسو السميدة مزيان من بعد نجمعو بماء الزهر والماء العجين يكون مطلوق شوية نكونو وجدنا التمر على شكل حرابل نأخد شوي من العجين نضع التمر في الوسط نجمع الأطراف مزيان حتى مايبقاش يبان التمر ونرجع نلويه مزيان حتى يرقاق نبسطو شوية نقطعو على شكل معين نعمل الزيت حتى تسخن مزيان ونقلي المقروط من بعد نعملو في العسل ونرش بالجنجلان
حلوة السيجار *المقادير
-125g زبدة طرية
-50g مايزينا إلي هو النشا
-50g سكر صقيل أو جلاصي
-3 معالق كبار زيت
-ملعقة صغيرة عامرة مزيان خميرة الحلوة
-قشور نصف ليمونة محكوك
-الطحين حسب الخليط
*الطريقة
-نضع كل المكونات عدا الطحين نخدم الكل جيدا ونلم بالطحين حتى نحصل على عجين لين
-نأخد القمع أو البوق يكون مسنن نعمل فيه العجين ونخرجو على شكل سيجار
-نضع الحلوة في صينية ندخلها الفرن يكون مسخن من قبل على درجة الحرارة 180° حتى يولي لونهم ذهبي
-نخلوهم يبردو تماما ونغطس الرؤوس في الشكلاط الأسود وبالصحة والراحة
تعليقات
إرسال تعليق